أيه الفرق بين واى فاى تردد 2.4 و تردد 5

تعرف ايه الفرق بين تردد ال 2.4 وتردد ال 5 جيجاهرتز الموجودين في الراوتر؟ وايه الافضل في التغطية و سرعة النت؟

ببساطة ال 2.4GHz ده اسمه frequency band التردد او النطاق ده بنستخدمه في تقنية الواي فاي والبلوتوث واجهزة كتير زي الميكروويف مثلا.

واصبح من اكثر الترددات استخداماً وانتشارا في حياتنا اليومية.

طب ايه الفرق بينه وبين تردد ال 5 جيجاهرتز؟

بما اننا بقينا بنستخدم تردد ال 2.4 كتير في حياتنا وبقى مزدحم بقينا بحاجة لتردد تاني بمميزات اكتر وبقينا بنستخدم تردد ال 5 جيجاهرتز

مميزاته انه يقدر يشيل سرعات اعلى واقل عرضة لتداخل الإشارة

لكن عيبه انه مداه اقل وقدرته على اختراق الجدران اضعف من تردد ال 2.4

باختصار

لو يهمك السرعات العالية او بتلعب اونلاين او بتستخدم تطبيقات محتاجة تحديث لحظي زى تطبيقات التداول الافضل اختيار تردد ال 5 جيجاهرتز المهم تكون قريب من الراوتر بالقدر الكافي.

لو يهمك ان اشارة الواي فاي تغطي مسافة اكبر وعندك جدران وعوائق كتير في المكان الافضل اختيار تردد ال 2.4

ممكن تفعل ال dual band في الراوتر بتاعك يعني هتستخدم الترددين مع بعض هتسمي شبكة ال 2.4 وشبكة ال 5 بنفس الاسم ونفس الباسورد والموبايل بتاعك لما يكون متصل بالواي فاي هيحول تلقائي بين الترددين.

وللعلم تقنية الواي فاي اصبحت تستخدم تردد ال 6 جيجاهرتز في الرواتر والاجهزة الحديثة.